Að sóla sig í haustinu

Maður getur orðið ferlega pirraður á að hanga inni dag eftir dag undirlagður að Svínapestinni.  Þannig að ég brá á það ráð að létta mér blessaða lundina hérna rétt upp úr hádeginu. Þegar sólin skein allt um kring þá getur maður ekki annað en glaðst, svo ég skyldi í sólbað og hafa það reglulega gott og ná þessari lumbru úr mér hið snarasta. Með það hentist ég í Búlgaríu bikníð , náði í strandhandklæðið, sólarvörn, útvarp og snaraðist í að taka mig til svo ég kæmist út í sólina.

  Þar sem ég storma út um neðridyrnar með allt mitt hafurtask veit ég ekki fyrr en ég stend upp í miðja kálfa í snjó brrrrr ekkert smá norðangjóla sem blæs fyrir hornið.  Ég inn aftur bölvandi og ragnandi þar sem ég  stappa af mér snjónum, í öllum æsingnum við að komast út þá hafði ég litið burt frá þessum snjó þarna úti og hent dagatalinu niður í skúffu.

En þar sem ég var komin í þvílíkt stuð þá smellti ég mér í sólbað á stofugólfinu fyrir innan gluggann, þar var líka dúndur hiti og stafalogn.

Með krækiberjakokteil í flottu glasi, bláan Capri ( áður en Steingrímur hækkar hann sko) Moggann undir stjórn nýja ritsjórans, ný tekið slátur og dúndrandi sólarsömbu átti ég ágætis dag og er bara allt önnur af pestinni.

Athugasemdir

[Björn Birgisson, 6.10.2009 kl. 00:50]

Ég held að við séum að fara á Kanarí í febrúar! Ég, þú, frú Ingibjörg og allir þínir fylginautar. Skuggalega hlakka ég til!

[Snjólaug A. Sigurfinnsdóttir, 6.10.2009 kl. 01:06]

Við verðum örugglega í boði einhvers, finn það alveg á mér úlalalalallalalala

[Björn Birgisson, 6.10.2009 kl. 01:17]

"Við verðum örugglega í boði einhvers"

Svolítið 2007, er það ekki? Ertu ekki með einhverja pínu í bauknum? Taxann á hótelið borgar Björn. Visa/ vers.  Að og frá. Kannski nokkra Irish líka? Hvenær verður þessi brottför?

[Snjólaug A. Sigurfinnsdóttir, 6.10.2009 kl. 01:32]

Það má alltaf finna einhverja ónotaða tíkalla. Hef það fyrir satt að það verði brunaútsala á öllum utanlandsferðum sem búið er að fastsetja fyrstu mánuði eftir jól.  Þannig að grípa gæsina.

[Ólöf Karlsdóttir, 6.10.2009 kl. 23:15]

Bara að kvitta fyrir innliti ,Kveðja Óla.

[Snjólaug A. Sigurfinnsdóttir, 6.10.2009 kl. 23:57]

Takk Óla mín

[Guðrún Emilía Guðnadóttir, 7.10.2009 kl. 12:35]

Þú ert óborganlegur grínisti.