Sjómannadagur

Alltaf hefur þessi dagur verið mikill hátíðisdagur hér í mínum bæ og man ég eftir að lengi vel vissi ég ekki hvað var svona merkilegt við 17. júní því hann féll alveg í skuggann fyrir Sjómannadeginum.

Reyndar byrjaði hátíðin hér í Ólafsfirði á föstudaginn og hefur því staðið í 3 daga og líkur raunar ekki fyrr en í  nótt eða morgun hjá þeim sem mesta úthaldið hafa. Því finnst mér leitt að heyra að hátíðahöld á þessum merkis degi eru víða að leggjast af eða alveg dottin upp fyrir. En það er nú svo með Ólafsfirðinga, þegar aðrir leggja árar í bát þá tvíeflumst við og þess vegna tel ég víst að um komandi ár verður Sjómannadagurinn haldinn hátíðlegur í Fjallabyggð og ekkert slegið af.

Af tilefni dagsins bakaði ég fjall af pönnukökum, náði mér í uppskriftabók með sjávarréttum sem 6.bekkur gaf út og tvö rituegg, gerði skyrtertu í desert fyrir kvöldið og er með lambalæri í ofninum  mmmm sannkallaður hátíðisdagur.

Athugasemdir

[egvania, 1.6.2008 kl. 18:16]

Elsku Ásta mín þú getur ekki borið Sjómannadaginn saman við 17 júní. Þú sem ert alin upp af sjómanni og ert með saltvatn í æðum. Hvað er málið með löngu dauðan kall sagði einhver einhvern tíman um Jón Sigursson. Var það ekki sungið af einhverjum?

[sigurfinnur (IP-tala skráð) 1.6.2008 kl. 21:35]

hvernig er það er mér aldrei boðið í kaffi þegar það er bakað ??