Konukvöld í stórhríð

Sjá mátti Ólafsfirskar konur af öllum gerðum og stærðum spana í "Kaupfélagið" í kvöld þar sem Steini Sínu býður upp á konukvöld með alles.  Ekki létu þær hríðarbyl né vetrarhörku halda sér heima enda margt í boði og fjörið mikið.  Einhverjir voru á Rotary fundi og Kiwanis heimilið við hliðina á mér er uppljómað þannig að það er nóg um að vera í félagslífinu hér úti á hjara veraldar.  Við erum byrjuð að vinna aftur á kvöldin hjá Jensen, Danirnir farnir að afgreiða vörur til Íslands aftur þannig að nú ætti vonandi allt að vera að komast í eðlilegt horf. 

Við Kolur minn fórum nú bara á göngu á bryggjuna í kvöld, ég lét konukvöldið hjá Steina og Þórönnu  í Kaupfélaginu fram hjá mér fara.  Enda er ég orðin hálfgerður karlmaður held ég af vinnunni hjá Ásgeiri Loga þarna í Norlandia, meira að segja Pólskur karlmaður  Samt er eitthvað að hressast upp á Íslendingana og bæst hafa við tveir knáir sveinar og ein blómarós, þannig að það er orðið kjaftafært á Íslensku í kaffistofunni.

Fór til Hófíar í gær hún varð óð og klippti af mér hárið..... omg það lenti nær allt á gólfinu, held hún sé að safna í værðarvoð handa Sigga í jólagjöf.  Nú er ég skvísa eða þannig með nýjustu klippingu af stuttu hári.   

 Jón Þór búinn að vera í bænum með krakkana í dansi þannig að maður skellir sér á danssýningu á morgun.  Búið að vera fjör á Bjargi að velja búninga í dansinn úlalalallala......

Allir út að moka á morgun, söfnum kröftum í nótt. 

 

 

Athugasemdir

[Ólöf Karlsdóttir, 28.11.2008 kl. 01:00]

Ásta mín fór í skólann í morgun og beint á mbl.is Og það er sko komið sannkallað vetrarveður hjá ykkur ,það var bara smá gola hér Það er gott að mæta aðeins fyrr svo maður geti stolist í mblKveðja Óla

[Líney, 28.11.2008 kl. 14:08]

Hlýjar kveðjur  norður í snjóinn,eigðu góða helgi

[Ólöf Karlsdóttir, 29.11.2008 kl. 20:50]