Einhverjum datt það í hug

7.11.2008 | 21:49

að opna fyrir leiðindaskjóðunni þegar ég hafði samviskulega læst hana út. Ég veit ekki hvað þetta uppátæki á að þýða en ég er alla vega grautfúl og það ekkert smá. Sjá þetta gerpi hreykjandi sér á háan hest og þykist allt vita svo er þetta ekkert nema innantóm orð sem gufa upp á sömu mínútu og leiðindaskjóðan hefur sleppt þeim út úr sér. Ég er svona að velta því fyrir mér hvort ég eigi að skjóta hana á færi en ætla að bíða fram á aðventuna, það getur nefnilega orðið afskaplega kósí að nota mörinn af henni á lampann til að halda stemmingunni, þú skilur hvað ég meina.

Ég er alveg orðin ráðþrota á blessaða peningatrénu sem ég rækta í eldhúsglugganum hjá mér, það blómstra á því peningar sem aldrei fyrr og ég veit ekkert hvað ég á að gera við öll þessi ósköp, ekki get ég lagt þetta í bankann var að heyra að það ætti að frysta reikninga landsmanna úffff þetta er rosalegt Allir dunkar og skjóður orðið fullt hjá mér og ég sver það að ég sef nánast standandi þessa dagana. En minni datt ráð í hug....... Við þurftum einmitt að taka á því skemmtilega vandamáli hér á heimilinu að versla salernispappír í dag..... ekki frásögu færandi nema það að minn pappír hefur hækkað um 200 kall síðan verslað var inn síðan. Tók ekki eftir þessu fyrr en ég kom heim og fór að skoða kassastrimilinn OMG Alien Svo ég var ekkert að hika við það, tók tvo afleggjara af peningatrénu og plantaði á sitt hvort salernið í húsinu. Nú verður ekkert bruðl meir á þessu heimili, nebb heima framleitt takk fyrir bara að kuðla seðlana aðeins á milli handanna til að mýkja þá fyrir notkun LoL þá er þetta í fínu lagi. Held það nú bara.

Alltaf gott að eiga peningatré

Flokkur: Dægurmál | Facebook

Athugasemdir

Mikið lifandi, skelfingar, ósköp er ég fegin að hafa ekki komið til þín í gær þú hefðir þá skotið mig ekki var skapið betra í mér þegar að heim var komið.

Ég nennti ekki í Bónus vegna mannfjöldans sem þar var taldi að ég hefði það tæplegast af að komast heim fyrir jólin ég fór í búðina hérna og ætlaði að kaupa tvo hluti annað var ekki til en hitt mikið dýrara en í Bónus.

Ömmustelpurnar mínar verða að koma á háloftið hjá mér og fara að taka af peningatrénu mínu og svo hefur Sigurfinnur ekki tekið Gullasnann sinn hann skilar öllum glóandi.

Á Kvíabekk var nú bara tíminn notaður á botninn á okkur og var okkur engin vorkunn af.