Sumarið ekki komið.....

Sumarið ekki komið ennþá hér á norðurlandi og þá er skollið á með ófærð á heiðum, hverslags er þetta. Ég annars verð að segja það að ég bíð enn eftir sólinni sem ég eftirminnilega var samvistum við í fyrra sumar hér fyrir norðan. En svona er þetta stundum - ætli þau hafi það erfiðara þarna á suðurhorninu og hafa þess vegna fengið að njóta góðs sumars? - það væri þá  það eftir allt saman.  Ætti ég að útskýra sólarleysið á mínum heimaslóðum með því  - að hér búa aðeins jaxlar sem láta ekkert brjóta sig - já ég held það bara

Ætli viðri til kartöfluuppskeru á morgun?

Mikil hálka á Öxnadalsheiði

Já vááááa

Það er ekki logið að við erum nafli alheimsins, ekki mikið að gerast í öðrum löndum ef þetta er fréttaefni þar.  Ég t.d. hef gassalegan áhuga á að vita hverjir eru ritstjórar hinna ýmsu fréttablaða - mitt aðal áhugamál eða þannig.

Held að fólk sé að tapa sér í bullinu að velta sér upp úr hver er ritstjóri Morgunblaðsins, get veðjað að 99% prósent þjóðarinnar veit ekki hver er ritstjóri Fréttablaðsins eða hvað fyrrum ritstjóri Morgunblaðsins heitir. 

Ráðning ritstjóra vekur athygli

Það er þá svona :(

Stýrivextir áfram 12%

Berjasaftin mín ljúf og góð

Þá er maður búin að safta sér vetrarforða af dýrindis krækiberjasaft.  Hollt og gott hvort sem er í heitu eða köldu vatni. 

Í dag er einn rigningardagurinn enn með þoku niður í miðjar hlíðar, ég er hætt að botna þetta ástand hér á hjara veraldar. Öðruvísi mér áður brá þegar sól baðaði fjörðinn fagra frá morgni til kvölds.   Er verið að reyna okkur eða hvað?

Ætla að dúða mig regnhelda og arka smá út í  rigninguna 

Ég bíð það af mér

Hvað get ég gert annað en beðið, en það þarf ekki að vera að mér þurfi að leiðast á meðan eða sitja í sama stólnum og hugsa um það sem var.

Ég ætla að sjá eitthvað útfyrir, ég ætla að hugsa um mitt og það sem ég hef, ég ætla að láta þá sem fá borgað fyrir það hafa áhyggjur af Íslensku efnahagslífi og skuldum, aðrir mega hugsa um lausnir á Icesave, ég ætla að láta aðra um það að vera reiða, ég ætla ekki að nota mína orku í drullumall, ég ætla að lifa fyrir þá sem eru næst mér, ég ætla að njóta lífsins með fjölskyldunni og fólkinu í bænum mínum, ég ætla á markaði og samkomur, spilavist og bingó, bíó og leikhús, drekka kaffi með vinkonum, hlusta á góða tónlist og margt fleira. 

Leikrit er skrifað af höfundi en höfundurinn ræður ekki mínu lífi.  

Einhver rigningarderringur í honum

Vaknaði við þessa líka brjáluðu rigningu og rok og þegar kíkt var út um eldhúsgluggann þá kom í ljós að snjóað hafði niður í miðjar hlíðar.  Skárra er það nú hnusss bara.  Ég hef  pínu áhyggjur af draslinu sem ég henti út úr duldu eigninni minni. Þarna liggur það og vonandi ekki fokið út um allt, ég ætlaði að henda því í dag úfff svona er að bíða til morguns Nennti ekki að taka þetta eftir að vera búin að koma fimm kerrum í gámana í gær.   Þýðir ekki að hugsa um það.

Er að hugsa um  Icesave, skiptar skoðanir hjá þjóðinni. Ætli það hafi eitthvað með veðrið að gera  ef við einföldum þetta og förum eftir veðrinu í sumar á landinu.  Þá lendi ég þeim megin sem hefur rignt nánast sleitulaust, hinir eru í sól hmmmmmm Það er sagt að skíni sól og rigni jafnt á réttláta sem rangláta.  Hvoru megin ætli skoðun mín liggi að Icesavemálinu? Er ég í réttlátahópnum eða hinum? hehehe

Það er spurningin stóra.

Finn ég eina mús

Stundum á maður falinn fjársjóð án þess að gera sér grein fyrir því. Í dag ætla ég að kanna eign sem ég hef litið á sem hálfgerða byrði og einskis nýta.  Það skyldi þó aldrei vera að þar væri falinn fjársjóður sem ég hef ekki gefið mér tíma til að leiða hugann að. 

Það er einmitt þetta sem við göngum og horfum of oft fram hjá, eitthvað sem er ekki auðséð og sjálfgefið að leynist verðmæti í.  Gæti verið að mýsnar hafi fundið sér skjól í eigninni minni og haldi þar villt partý hverja nótt og alla daga.

Að gefa sér tíma til að hugsa og finna lausnir er vanmetið, við æðum áfram og rótum í yfirborðinu dags daglega.  Að ganga upp með á eða út með fjöru, setjast á stein og tala við Guð þinn og Guð í sjálfri þér gefur yfirleitt lausnir á vandamálum sem þvælast fyrir okkur og við erum gjörn á að sópa undir teppi. Í nokkra daga hef ég einmitt verið á tali, reyndar ekki upp með á eða út með sjó, heldur í ölduróti eigin huga. Og viti menn í morgun vaknaði ég með lausnina.  Hallelúja, mál að athuga málið alla vega það nær þá ekki lengra.

Notið daginn elskurnar, ekkert þarfara að gera.

Sól í hjarta

Núna skín blessuð sólin á mig, verð að segja að ekki höfum við hér í Ólafsfirði fengið mikið af henni í sumar. En svona er þetta stundum, síðasta sumar baðaði þessi elska okkur í sjálfri sér alla daga þannig að okkar úthlutun  hefur eflaust verið yfir mörk það árið. Eða hvað??? Er hægt að fá of mikið af góðu sumri?  En fyrst að sólin hefur verið spör á geisla sína á mig í sumar þá sendi ég henni hjartasól á móti og spara það ekki.

Skrapp til Hornafjarðar á MÍ með dæturnar og var ljúft að koma á Höfn aftur eftir svona mörg ár (yfir tuttugu ár ussss ekki orð um hvað ég er orðin gömul) . Þarna átti ég mína sælu daga forðum, reyndar í slorinu hjá KASK hehe en það var gaman að vera ungur og ástfangin og lífið var dásamlegt.  Takk fyrir að vera til Höfn  

Það sem mér fannst eftirtektarvert á Höfn er hvað tekist hefur vel við að þétta byggðina. Það vill  oft verða svo að sveitarfélög taka yfirleitt nýtt land undir nýbyggingar og eldri byggðarkjarnarnir verða hálf götóttir og fá ekki eins mikla umhugsun. Gaman að sjá hvað Höfn er orðin vistlegur byggðarkjarni og tekist vel til. Nú langar mig þangað aftur og stoppa lengur  Þetta er eins og að fara í nammibindindi einn súkkulaðimoli og þú ert fallin hehe

Fórum og könnuðum berjalandið aðeins í gærkveldi, allt fullt af berjum og verð að haska mér af stað í berjamó eftir hádegi.  Elska krækiber nammi nammi 

Er í sumarfríi og hugsa að ég láti það ná til jóla, eða ætti ég að skreppa í nokkra daga í vinnu til að fá jólafrí.

Hafið góðan dag elskurnar 

Piffffffffffffffffff

Þar heyrirðu það, þú ert of heimskur til að hafa skoðun á þessu máli landsmaður góður. 

Icesave erfitt í þjóðaratkvæði

Eitt enn ríkið í ríkinu

Allt komið í hrærigraut á leið til andskotans. Gef ekki mikið fyrir lausnir Steingríms og co. Þekki þeirra vinnubrögð og það felst allt í því að hafa vit fyrir öðrum og setja reglur. Ekkert gert nema talað og nýðst á minni máttar líkt og sannaðist um daginn með aldraða og öryrkja.  Frussssss......

Stofna Bankasýslu ríkisins