Já takk..

Hvar var verkalýðsforustan????? "Standa vörð um réttindi sín"  held  Björn minn þú hefðir átt að líta í eigin skápa og skúffur og halda vörð um réttindi þinna skjólstæðinga m.a. lífeyrissjóðinn þeirra. 

 

Standi vörð um réttindi sín

Hvert fór veturinn?

Í glaðasólskini í morgun með fuglasöng og sumarfíling í lofti, fór ég að velta þessu fyrir mér. Hvað varð um veturinn, allt í einu er kominn apríl og mér finnst ég varla hafa dregið andann tvisvar síðan í október. Ætli þetta sé kreppuástand að tína tímanum svona gjörsamlega? Hver vika líður af annarri, misgóðar að vísu en allar bærilegar og rúmlega það.

Það var fallegt í Ólafsfirði í morgun, eldsnemma var ég komin á Kleifarnar og sá að það voru fleiri en ég sem ætluðu að nota góða veðrið. Sjá mátti hóp fólks á gönguskíðum á Ytri-á túnunum og það rauk á Búðarhól, fullt var við Syðri-á og trú hef ég á að líf færist í hin húsin hvað úr hverju. Fallegu Kleifarnar mínar, svo friðsælar og taka alltaf á móti manni með útbreiddan faðminn.

En nú er ég komin í páskafrí, búin að vinna í dag og þá er að njóta hátíðarinnar sem framundan er.

Gleðilega páska

 

Þetta er nýr dagur

Stundum gerist allt og stundum ekki neitt

Stundum er minna meira en ekki neitt og stundum er meira nánast minna en ekkert.  Þannig finnst mér þetta vera hér núna. Það gerist ekki neitt, eða er það misskilningur er allt að gerast.  Tíminn líður, eins og það sé eitthvað nýtt, og við stöndum í stað.  Eflaust er lífið þannig best, stendur í föstum skorðum  ( kreppuástand getur alveg orðið fastar skorður)  og þá lærir maður að lifa með því og finna sér nýjan farveg. 

Kannski hugsa ég einmitt núna hvað ég ætli að gera næst, nei ég bíð eitthvað lengur, einn mánuð í einu og allt í einu er kominn október aftur. Hvernig verðum við þá...  hef ekki trú á að í október verði orðið nokkuð skárra hér. Þá höldum við áfram, eða hvað ? ekki dettum við öll dauð niður.

En eitt er ég þó að velta fyrir mér og ég bíð........ Hvenær ætlar ríkisstjórnin að segja fólkinu í landinu að það eru engir peningar til og það verður ekkert gert?

Flottur Kristján Þór

Mikið gleður mig ákvörðun Kristjáns að stíga fram núna, hann Kristján á allan minn stuðning og með vissu veit ég að ákvörðun hans er hvatning til annarra  flokksfélaga að við tökum það ekki sem sjálfgefnu að einhver sæti innan flokksins séu frátekin og aðrir hafi ekki sjens í þau.  Við eigum þennan flokk, hann er okkar og hvað sem undan er gengin þá látum við ekki taka hann frá okkur, hvað sem aðrir segja eða reyna til að láta okkur hverfa af sviðinu. Sjálfstæðisflokkurinn á grasrót, fólkið sem trúir á stefnu hans og  tilgang.   Ég skora á menn að hlusta á hvað Kristján Þór hefur að segja við okkur kæru félagar.

Kristján Þór tilkynnir um framboðsáform

Það snjóar

Þetta er að verða eins og maður man hér áður, nú er vetur í Ólafsfirði. Það er ekki slæmt þannig séð, halda sig heima eða skreppa í kaffi til nágranna og börn að leik í öllum húsgörðum í snjónum.  Meiri snjó er gott mál, skíðabrekkur fyllast þegar styttir upp og landsmenn skemmta sér og öðrum sjálfir, allir hættir að fara til útlanda á skíði eða spígspora um stræti fjarlægðra stórborga.   Allt hefur sinn tíma hring eftir hring.

Það er gaman að moka snjó og klöngrast yfir skafla   held hann megi nú samt herða sig ef hann ætlar að kyngja niður jafn mikið og áður fyrr.

Mjög slæmt veður á Akureyri

Æ litla skinnið

Þetta er eflaust fyrrum fangi og Litla - Hraun eini staðurinn sem honum hefur liðið vel á.  Svona getur það verið stundum.

Óminnishegri við Litla-Hraun

Hvað með tímann og vinnu hans

Ég er að hugsa hann og hvern dag ..lífið heldur áfram.  Ægilega er ég sinnulaus um ástandið á landinu. Ég nenni ekki einu sinni að lesa fréttir lengur og er komin með meira en nóg af krepputali, held ég sé ekki ein um það því þegar ég renni augunum yfir forsíður eða það sem er helst í fréttum þá er augljóst að fjölmiðlamenn eru sama sinnis. Jafnvel Harðaræskan er hætt að nenna að hafa sig út til að mæta á Austurvöll og glamra þar svolítið saman. Ekki liggja allir undir sæng og bíða að sólin komi upp.  Held frekar að hver finni sína sól í hjarta sínu og með sinni fjölskyldu og vinum.

Samt má lesa í gegn hvað margur er í molum og hættur að trúa á sjálfan sig og sína þjóð.  Ekki eru þingmenn og fjárglæframenn þjóðin okkar, en samt hluti af henni.  Mér finnst svo undarlegt að við sem vorum svo hamingjusöm og stolt af öllu vel menntaða fólkinu okkar, virðumst vera skar núna með sjálfstraust í molum.  Því er kallað á að einhverjir útlendingar utan úr heimi komi og kanni okkar mál.  Finnst okkur við ekki hafa frambærilegt fólk til þess. Nú má lesa að sérfræðingar þessir kláru menn úti í heimi standa á gati og áttu alls ekki von á alheimskreppu.  Stundum höldum við að allt sé betra hinu megin við lækinn og aðrir hafi meira vit og gáfur en maður sjálfur.  Treystum okkur sjálfum og byggjum upp innan frá.  Það er heillvænst, við þekkjum okkur líka best sjálf.  Sumir segja að "Glöggt sé gestsaugað" mikið til í því en oft er "Úlfur í sauðgæru" gesturinn. 

Ég velti fyrir mér misvísandi vangaveltum hagfræðinga og þeirra sem tjá sig um málið, margar eru hliðarnar og hægt að velta sér upp úr því endalaust.  Spurning hvort ætti ekki að kast upp á hvaða leið á að fara.. örugglega ekkert verri lausn en hver önnur.  Það er ljóst að allir leita þess sama, halda áfram og halda sér á floti.

Svona dett ég niður í hugsanir, er að gúffa í mig heimabökuðum döðlutoppum sem ég fékk í Konudagsgjöf frá eiginmanni og dætrum.  Skellti inn myndum af gjöfinni sem gladdi mig meira en hefði ég fengið til eignar öll töpuð hlutabréf landsmanna.

Hafið góðan dag kæru vinir 

Er mér að förlast

Er það misminni hjá mér eða hvað, en sat ekki Samfylkingin í síðustu ríkisstjórn?

Því ekki Írland

Það var gaman að heimsækja Írland hér áður, munið hvað það var vinsælt.  Og hvað maður gat verslað ódýrt þarna, skellt sér á krá á nokkurra skrefa fresti og fengið þennan dásamlega bjór þeirra. Og viðleitni þeirra til að þjóna okkur Íslendingunum,  skrifa á skilti á Íslensku, buðu að geyma töskur og pinkla svo maður þyrfti ekki að dröslast með það um allan bæ og  voru svo hlýlegir á allan hátt.  Sveitirnar þeirra fallegar og já mér fannst gaman að koma til Írlands og allt of langt síðan síðast.

Að ógleymdu þá dreymdi mig dásamlegan draum þar sem rættist.  Tel Írland happaland mitt á eftir Íslandi. 

Við ættum kannski að heimsækja þá á næstunni og sýna þeim fjölskyldutengslin, því rakið er að Íslenskar konur eru komnar frá Írlandi. Fleiri en við nútímafólkið sem fór í verslunarleiðangur til Írlands

Vill ekki að Írlandi sé líkt við Ísland